مەزڵوم كۆبانێ، فەرماندەیێ گشتیێ هێزێن سوریا دیموكرات (هەسەدە) ڕاگههاند: ڕوویدان ل باكوورێ ڕۆژئاڤایێ سوریا ب بلهز و ژ نیشكهكێ ڤه بهرفرههـ دبن، هێزێن مه ل چەند ئاڕاستەیهكان ڕوبرویێ هێرشێن توندبووینه.
مەزڵوم كۆبانێ ئەڤرو د پەیامهكێدا ل هەژمارا تایبەتا خۆ ل تۆڕا جڤاكیا "X" نڤیسییه: ڕوویدان ل باكوورێ ڕۆژئاڤایێ سوریا ب بلهز و ژ نیشكهكێ ڤه بهرفرههـ دبن، هێزێن مه ل چەند ئاڕاستەیەكان ڕوبرویێ هێرشێن توند بووینه، دگهل كهتن و ڤهكێشانا سوپایێ سوریا و ههڤپهیمانێن وێ، دەستێوهردان مه كر بۆ ڤهكرنا ڕێڕەوهكێ مرۆڤی دناڤبهرا دهڤهرێن ڕۆژهەڵاتا مه، حەلەب و دهڤهرا تەل ڕەفعەت بۆ پاراستنا گەلێ مه ژ كۆمەڵكوژییان".
ئاماژە ب وێ یهكێ ژی كر: هێرشێن گروپێن چەكدار كو ژلایێ توركیاڤه پاڵپشتی لێ دهێتهكرن بەردەوامە و هێزێن مه ل حەلەب و تەل ڕەفعەت و ئەلشەهبا وێرهكانه بەڕهڤانیێ ژ گەلێ مه كر".
مەزڵوم كۆبانێ بهحس ل وێ چهندێ ژی كر: دێ كاركهین بۆ پەیوەندیكرنێ دگهل هەمی لایەنێن سوریا بۆ دەستەبەركرنا پاراستنا گەلێ مه و دویرئێخستنێ ب سەلامەتی ل دهڤهرێن تەل ڕەفعەت و ئەلشەهبا بەرەف دهڤهرێن سەلامەت ل باكورێ ڕۆژهەڵاتا وهڵاتی، د دهمهكیدا بەرخۆدانا هێزێن مه بەردەوامە بۆ پاراستنا گەلێ مه ل تاخێن كوردیێن حەلەبێ.
