دیجیتال میدیا سپێده:
پشتی نیڤرویا ئهڤرو پێنج شەمبی 28/11/2024، بەڕێز مامۆستا سەلاحەدین محەممەد بەهائەدین ئەمیندارێ گشتیێ یەكگرتوویا ئیسلامییا كوردستانێ ب ئامادەبوونا شاندهكێ ئەنجومەنێ جێبەجێكرنێ و سەركردایەتیێ، پێشوازیی ل شاندهكێ بلندێ ئێكهتیا نشتمانیا كوردستانێ ب سەرۆكاتییا بەڕێز كاك قوباد تاڵەبانی و شاندێ دگهلدا كر.
د كۆمبوونەكێدا كو ژمارەیەك ژ ئەندامێن جێبەجێكرنێ و سەركردایەتیا یەكگرتوویا ئیسلامییا كوردستانێ و ههڤدهم ژمارەیەك ژ ئەندامێن مەكتەبا سیاسی و سەركردایەتیا ئێكهتیا نشتیمانی كوردستان ئامادەبوون، پێكڤه گوت و بێژ لدور پەیوهندیێن دناڤبهرا واندا كر و رهوشا سیاسی یا هەرێما كوردستانێ و ئامادەكاریێن قۆناغا پشتی هەلبژاتنان ژی هاتهكرن.
د بهشهكێ دی یێ كۆمبوونێدا كو تایبەت بوو ب قۆناغا پشتی هەلبژارتنان، هەردوولا ههڤڕا بوون لسەر گرنگی یا پێكئینانا دامەزراوهیێن هەرێما كوردستانێ لسەر بنەمایێ خزمەتكرنا باشتر یا وهڵاتیان ب ڕێكا دەركر و هەموواركرنا یاساو رێنمایان، بۆ ئەوێ مهرهمێ ژی ڕژدی ل پێدڤییا گرتنەبەرا پێنگاڤێن كریاری یێن باشتر كر كو ژیاران وهڵاتیان و خزمەتكرنا وان بكهنه ل پێشینەیا كارێن داهاتی.
