دیجیتال میدیا سپێده:
بۆ مهرهما چارهسهركرنا قهیرانا مووچهىێ ههرێمێ، ئهڤرو سهرۆك فراكسیونێن كوردستانی دگهل جێگرێ سهرۆكێ پهرلهمانێ عێراقێ سهرهدانا سهرۆكێ دادگهها فیدڕاڵی كر ل بهغداو ژلایێ دادوهر جاسم عمیری سهرۆكێ دادگههێ ب سوپاسی ڤه پێشوازی لێكر.
د.جهمال كۆچهر سهرۆكێ فراكسیۆنا یهكگرتوو ل پهرلهمانێ عێراقێ ب سپێدهڤه راگههاند: د كۆمبوونێدا بهحس ژ قهیرانا مووچهىێ مووچهخۆرێن ههرێما كوردستانێ كر كو دوو دوو ههیڤانه مووچه وهرنهگرتییه، ئهڤه ژی بهرۆڤاژی بڕیارا دادگهها فیدڕاڵییه.
د.جهمال كۆچهر كو ههڤدهم ئهندامێ لژنهیا دارایى یا ئهنجومهنێ نوینهرێن عێراقێ یه گوتى: د كۆمبوونێدا سێ پێشنیار بۆ چارهسهركرنا قهیرانا مووچهیێ مووچهخۆرێن ههرێما كوردستانێ.
د.جهمال كۆچهر گوتی: ئێك ژ پێشنیاران ئهوه كو سهرۆكی دادگهها فیدڕاڵى بخۆ دگهل وهزیرا دارایىا عێراقێ باخڤیت و قهیرانا مووچهىێ مووچهخۆرێن ههرێمێ چارهسهر بكهت.
ههروهها پێشنیارا دووێ ژی ئهوه: بۆ چارهسهركرنا قهیرانا مووچهىێ مووچهخۆرێن ههرێمێ، كۆمبوونهك بهێته سازكرن دناڤبهرا سهرۆكێ دادگهها فیدڕاڵىیا عێراقێ و سهرۆك وهزیرێن عێراقێ و سهرۆك وهزیرێن ههرێما كوردستانێ و وهزیرا دارایى یا عێراقێ، تا ب تهمامهتی ئهو قهیران بهێته چارهسهركرن.
