دیجیتال میدیا سپێده:
دارا سێكانیانی ئەندامێ فراكسیونا یەكگرتوو ل پەرلەمانێ عیراقێ ژبو سپێدە راگەهاند: دادگەها فیدرالی موچێ فەرمانبەرێن هەرێمێ دەستەبەركریە و تەوتینكرن ژی ئێكە ژ وان رێكان، عیراقێ ژی پابەندبوونا خو راگەهاندیە و داخاز ل هەرێمێ كریە ژبو دوماهی ئینان ب ئاریشان، لێ تا نوكە هەرێما كوردستانێ پابەند نەبویە و هەیڤ نینە لیستا موچەی بێی كێم وكاسی نەهێتە بەغدا، و داهاتێ نافخو ژی رادەست ناكەت.
سێكانیانی گوت ژی: مەزنترین مەترسی ل سەر قەوارێ هەرێمێ، پێكهاتیە ژهەڤڕكییێن ئێكەتی وپارتی، تەوتینكرنا موچەی هیچ پەیوەندی ب مەترسیێن سەر قەوارێ هەرێمێڤە نینە. وگوت ژی: تا نوكە هەرێم یا بەرهەڤ نینە داهاتێن خالێن سنوری رادەستی وزارەتا داراییا عیراقێ بكەت و دەستهەلاتدارێن هەرێمێ ژی وان پاران دبەن.
سێكانیانی زێدەتر لدور تەوتینا موچەی گوت: ل هەمی دنیایێ كار ب تەوتینا موچەی دهێتە كرن، لەورا تەوتین لێدان نیە ل قەوارێ هەرێمێ وبچیككرنا وێ، دەما تەوتین ل هەر بانكەكێ دهێتـە كرن دوماهی جار هەر پێدڤیە زانیاریان ل وەزارەتا دارایی و ئابووریا هەرێمێ وەربگرن وژبو هەمی لێكگهورینێن هەیڤانە دروست دبن، وەزارەتا دارایا هەرێمێ ژبو وەزارەتا دارایا عیراقێ رەوانە دكەت، ئەو ژی ژبو بانكان.
