ديجيتال ميديا سپیده:
بەڕێز مامۆستا سەلاحەدین محەممەد بەهائەدین ئەمیندارێ گشتیێ یەکگرتوویا ئیسلامیا کوردستانێ ب ههڤالین دکتۆر موسەننا ئەمین ئەندامێ سەرکردایەتیا یەکگرتوو دهمێ دوو ڕۆژانه لسەر بانگهێشتا حزبا دادگەری و خۆشگوزەرانیێ - حزب العدالە و الرفاهیە PKS یا ئەندەنوسی ب ئامانجا بەشداریێ د (دیدارا دادگەری و دیمۆکراسی JDF) یێ سەرهدانا ئەوی وهڵاتی کرییه.
د دهمێ دوو ڕۆژێن بووری یێن سەرهدانا سەرکردایەتیا ئەوێ حزبێ و فراکسیۆنا ئەو حزبێ ل پەرلەمانی کو ٥٣ ئەندام هەنه کرییه و گوهدانا چالاکی ژمارەیەک ژ ڕێکخراوەیێن کۆمەڵگەها مەدەنی بوون کو ل بوارێ کارێ زانستی و پەروەردەیی و بانگخوازیێ و بونیاتنانت کۆمەڵگەهێ دا کار دكهن.
هەر د كڤانێ سەرهدانێدا دگهل ئەندامێن (JDF) سەرهدانا پەرلەمانیێ ئەوی وهلاتی كرییه و دیدارێن دگهل سەرۆکێ پەرلەمانی و دوو جێگرێن وی ئەنجامدایه و گوهدانا چهوانیا کارێ پەرلەمانی و هەردوو هۆبەیێن یاسادانانێ (نوینەران - پیران ) بوون.
هەر د درێژاهیا سەرهدانا خۆ دا بۆ وهڵاتێ ئەندەنوسیا ئەڤرو ژی ل بارەگههێ وەزارەتێ چاڤ ب ب بەڕێز (ناتالیۆس بیگای) وەزیرێ مافێ مرۆڤب ل ئەندەنوسیا كهت کو د بنەرەتدا چالاكڤانهكێ دیارێ بوارێ مافێ مرۆڤیە و خەلکێ گزیرتا پاپوایە کو خودانێ کلتورهكێ تایبەتن
پاشی سەرهدانا بارەگههێ ڕێکخراوا (UNHCR) یا سەر ب نەتەوەیێن ئێكگرتیڤه کر و دگهل سەرۆکێ لقا ئەوێ رێکخراوی و ستافێ وێ بهحسكر لسەر رهوشا پەنابەران دناڤ واندا بهحس ل زێدهتر ژ٤١٠ وهلاتیێن عێراقی كرن پەنابەرن و بەشهكێ زۆر کوردن، د وێ دەرفەتێدا نوینهراتیا یەکگرتوو داخازكر ڕێکخراو کاراتر رۆڵ هەبیت بۆ راگرتنا دیپۆرتا زۆرە ملێ یا پەنابەران ل ئەوروپا کو تا نوكه ب هزاران کەس کرینه ئارمانج و بهرۆڤاژی دگهل ڕێککەفتنێن جیهانی.
ئەمیندارێ گشتیێ یەکگرتوو و شاندێ دگهل پاشی سەرهدانا سهفارهتا عێراقێ كر و ژلایێ سەرکارێ سەفارەتێ عێراقێ (د عمار الخالدی ) و ستافێ سەفارەت ل جاکارتا پێشوازی لێکر و میوانداری کر و ژ نێزیک پشتڕاستبوون ژ چهوانیا خزمەتكرنا هاولاتیان و سوپاسیا سەفارەتێ كر لسەر ئازادکرنا ژمارەیەك ل وهڵاتیێن کورد و ڤهگهڕیان و ئاسانکارییا بەردەوام بۆ هاوڵاتیان.
جهێ ئاماژهپێدانێ یه بۆ تمامكرنا کارێن دیدارا دادگەری و دیمۆکراسی JDF دچنه گزیرتا (لۆمبۆک) ل وی وهلاتی، ئەو کۆڕبەند و دیدارە زێدهتر ژ بیست و شەش حزب و رێکخراوێن سیاسی تێدا ئەندامن و ل ساڵا ٢٠١٦ و دروستکرییه و یەکگرتوویا ئیسلامیا کوردستانێ ئەندامێ دامەزرێنەرە و (دکتۆر موسەننا ئەمین ) ئەندامێ ئەنجومەنێ ئەمینداریێ یێ دیدارێ یه و کار دكهت لسەر پەرەپێدانا ماف و دادگەریێ و چەسپاندنا دیمۆکراسی و پێشڤهبرنا ههڤكاری و کارێ ههڤبهش و بیروبۆچوون و ئەزموون گوهورین دناڤبهرا ئەندامێن وێدا،
