سه‌لاحه‌دین سیامه‌ند دووچاری ڤایرۆسی كۆرۆنابوو

بۆتان عومه‌ر 08/07/2020 - 19:05 بڵاوکراوەتەوە لە هەواڵی وەرزشی ناوخۆیی

سەڵاحەدین سیامەند یاریزانی پیشووی یانەكانی هەولێر و زاخۆ و هەلبژاردەی عێراق لە سوید تووشی ڤایرۆسی كۆرۆنا بووە.
سەڵاحەدین سیامەند، راگەیاند : نزیكەی پێنج رۆژ دەبێت دووچاری ڤایرۆسەكە بووە تەندورستنی باش بووە بەلام دوێنێ سێشەممە كەمێك تەندروستیم تێكچوو چەند كاتژمێرێك لە نەخۆشخانە مامەوە و دواتر گەڕاوەتەوە ماڵەوە.
لەبارەی تەندروستی هەردی سیامەند برای سەلاحەدین سیامەند بە سپێدەی ڕایگەیاند : قەسەم لەگەڵ سەلاحەدین كردووە ئێستا تەندروستی باشە و لە ماڵەوە خۆی كەرەنتین كردووە، و دوو رۆژ جارێك ستافێكی پزیشكی سەردانی دەكەن.
لە پێش بڵاوبوونەوەی كۆرۆنا سەلاحەدین سیامەند بە سەردان گەڕابووەو سوید و بەهۆی وەستانی هێلە ئاسمانییەكان نەیتوانیوە بگەڕێتەوە كوردستان.
لەلایەكی دیكەشەوە عیماد محەمەد؛ هێرشبەری پێشووی هەڵبژاردەی عێراق و تەواوی ئەندامانی خێزانەكەی تووشی كۆرۆنا بوون.
عیماد لە رۆژانی رابردوو نیشانەكانی ڤایرۆسەكەی تێدا دەركەوتووە، پاش ئەنجامدانی پشكنین دەركەوتووە كە هەڵگری ڤایرۆسەكەیەو تەواوی ئەندامانی خێزانەكەشی تووشبوون .
بە پێی سەرچاوەكانی هەواڵ ، عیماد لە ماڵەوە لە ژێر رێنماییەكانی پزیشك خۆی كەرەنیتن كردووە .