بەدرۆن هێرش کرایه‌ سەر فرۆکخانەی ئەبوزەبی

17/01/2022 - 13:30 بڵاوکراوەتەوە لە جیهانی

دیجیتال میدیای سپێده‌

ئاژانسی هەواڵەکانی ئیمارات رایگەیاند،" بە درۆن هێرش کراوە سەر فرۆکخانەی ئەبوزەبی لە ئیمارات".

بەپێی ئاژانسەکە زیانی گیانی لەو هێرشەدا نەبووە، تەنها زیان بەر بەشێک لە کەلوپەلەکان کەوتوونە، هەروەها راشیگەیاندووە کە سێ تانکەری گواستنەوەی سوتەمەنی لە ناوچەی موسەفەح لە ئەبو زەبی سوتاون، دوای هێرشەکە وتەبێژی حوسیەکان لەیەمەن بەرپرسیارێتی خۆیان لە هێرشەکی سەر ئەبوزەبی ڕاگەیاند.

وتیشی،" لەماوەی داهاتوودا زانیاری زیاتر لەسەر هێرشەکان بۆ قوڵایی ئیمارات رادەگەینین".

ئیمارات یەکێک لەو وڵاتانەیە لەپاڵ سعودیە لەناو هاوپەیمانیەتیێک دا لە ئاداری 2015 ـەوە دەستێوەردانی سەربازی لە یەمەندا کردووە دژی حوسیەکان کە سەر بە ئێران دەژمێردرێن، رێکخراوە مرۆییەکان ئەم شەرەی سەر یەمەن بە هۆکاری کوشتن و بریندارکردنی دەیان هەزار و برسیکردنی ملیۆنان هاوڵاتی یەمەنی دەزانن، کە بوەته‌ هۆکاری روودانی کارەساتی مرۆیی، حوسیەکان بەردەوام قوڵایی سعودیە بۆردومان دەکەن بەڵام بەکەمتر هێرش دەکەنە سەر ئیمارات.