ئەم پەڕەیە چاپ بکە

هیومان رایتس وۆچ: حکومەتی بەنگلادش هەزاران منداڵی مسوڵمانیان لەخوێندن بێبەشکردووە

03/12/2019 - 15:38 بڵاوکراوەتەوە لە جیهانی

دیجیتاڵ میدیاى سپێده‌

رێکخراوی هیومان رایتس وۆچ لەراپۆرتێکدا رایگه‌یاندووه‌: حکومەتی بەنگلادش هەزاران منداڵی رۆهینگییەکیانی لەخوێندن بێبەشکردوە کە مسوڵمانن و بەشیکیان بەرەو میانمار کۆچیانکردوە.

بەپێی هەواڵێکی ئاژانسی رۆیتەرز، لەراپۆرتێکدا بەناونیشانی " ئایا ئێمە مرۆڤ نین؟" رێکخراوی چاودێریکردنی مافەکانی مرۆڤ ( هیومان رایتس ۆچ) ئاماژەی بەوەکردوە هەزاران منداڵی مسوڵمانانی بەنگلادش کە بەرۆهینگییەکان ناسراون لەلایەن حکومەتی ئەو وڵاتەوە لەخوێندن بێبەشکراون.

رێکخراوەکە داوای لەدەسەڵاتدارانی ئەو وڵاتە کردوە سزای قه‌ده‌غه‌ کردنی خوێندن لەکەمپەکاندا هەڵگرێت.

لەوبارەیەوە، بیل ڤان بەڕێوەبەری دامەزراوەی مافەکانی منداڵ لەرێکخراوی هیومان رایتس ۆچ بەرۆیتەرزی راگەیاندوە: دابڕاندنی نەوەیەکی تەواو لەخوێندن خواست و ئارەزوی هیچ کەسێک نیە و پێویستە کۆمەڵگای نێودەوڵەتی بێدەنگ نەبێت و داوا لەهەریەک لەمیانمار و بەنگلادش بکات سیاسەتی خۆیان دەرهەق بەو کەمە نەتەوایەتییانە بگۆڕێت.

رێکخراوەکە حکومەتی بەنگلادشی بەپێشێلکردنی مافی زیاتر لە400 هەزار منداڵ تۆمەتبارکردوە کە لەمیانمارەوە سەری خۆیان هەڵگرتوە و لەکەمپی ( کۆکس بازاڕ)-دا نیشتەجێبون.

لەساڵی 2017-وە پاش کوشتنی بەکۆمەڵیان لەلایەن حکومەتی میانمارەوە، نزیکەی 730 هەزار رۆهینگیا میانماریان بەجێهێشتوە و رویان لە وڵاتانی دراوسێ کردوە.


دواترین لەلایەن admin2