كۆنگرێسی ئەمریكا:
پڕچەك كردنی پێشمەرگە عیراق پارچەپارچە ناكات
لیژنەی خزمەتگوزارییەكانی چەكداركردن لە ئەنجومەنی نوێنەرانی ئەمریكا رەتیدەكاتەوە پڕۆژە یاسای بەرگری نیشتمانی رێگربێت لە یەكگرتووی عیراق.
ماك سورنبیری ئەندامی لیژنەی خزمەتگوزارییەكانی چەكداركردن لە ئەنجومەنی نوێنەرانی ئەمریكا لە لێداونێكدا بۆ كەناڵی سكای نیوزی راگەیاند: پڕۆژە یاسای بەرگری نیشتمانی كە لەنێو كۆنگرێسدا گفتوگۆی لەسەر دەكرێت، هیچ بەندێكی تێدا نییە كە بەتەنها بەڕێوەبردن و سەرۆكایەتی و ماف بداتە كوردی و سونە لە عیراق و بەهیچ شێوەەكیش عیراق پارچە پارچەناكات.
سورنبیری وتیشی: لەو یاسایەدا بەندێك هەیە كە رێگە بە هاوكاریكردنی راستەوخۆی كورد و سونە دەدات، كاتێك حكومەتی عیراق پابەند نەبێت بە یاساو رێساكانی بەرژەوەندییە نیشتمانییەكانەوەو لە عیراق.
هاوكات عالیە نوسێف ئەندامی ئەنجوومەنی نوێنەران لەسەر لیستی دەوڵەتی یاسا رایگەیاند، لەگەڵ ئەوەشدا كە عێراق بە خۆشحاڵیەوە پێشوازی لەم پەسەندكردنەی بودجەو دابینكردنی كۆمەك دەكات بۆ سوپاو گەلی عێراق، بەڵام عێراقیەكانی دووچاری سەرسوڕمان كردووە كە خراونەتە سەر وڵاتەكەو هەروەها شێوازی سەرو سەودا كردن لەگەڵ هێزی پێشمەرگەو عەرەبی سوننەدا. جێی باسە رۆژەی پێنج شەممە ئەنجومەنی نوێنەرانی ئەمریكا پڕۆژە یاسای هاوكاریكردنی سەربازی، پەسەند كرد كە بە پێی ئەو یاسایە ئەمریكا لە بودجەی وەزارەتی بەرگی بڕی 714 ملیۆن دۆلار هاوكاری سوپای عیراق دەكات بۆ رووبەڕوبونەوەی رێكخراوی تیرۆرستی داعش لە 25 % ی ئەو بڕەش بۆ هاوكاریكردنی هێزەكانی پێشمەرگە دەبێت.
