له‌باره‌ی جیاوازی موچه‌ پاشه‌كه‌وتكراوه‌كان وه‌زاره‌تی دارایی بڕیارده‌دات

11/11/2021 - 12:17 بڵاوکراوەتەوە لە ئابووری

وەزارەتی دارایی و ئابوری هەرێم روونكردنەوە لەبارەی ڕێنمایی خەرجكردنی جیاوازی مووچەی فەرمانبەرانی هەرێم بڵاودەكاتەوە و ڕایدەگەیەنێت،"ئەو ڕێنماییه ئەو کەسانە دەگرێتەوە کە جیاوازی (موچەو دەرماڵەکان) یان لەو مانگانە بەستراوە کە موچە تێیدا پاشەکەوت کراوە".

ئەمرۆ پێنجشەممە 11-11-2021 وەزارەتی دارایی و ئابوری هەرێم روونكردنەوەیەكی بڵاوكردەوە و تێیدا هاتووە،"مەبەست لە ناوەڕۆکی ڕێنمایی (هاوپێچ) خەرجکردنی جیاوازی ئەو موچە و دەرماڵە شایستانەیه بۆ ئەو مانگانەی کە لە موچەی فەرمانبەران پاشەکەوت کراوە".

ئاماژە بەوەشدراوە،"ئەم ڕێنماییه ئەو کەسانە دەگرێتەوە کە جیاوازی (موچەو دەرماڵەکان) یان لەو مانگانە بەستراوە کە موچە تێیدا پاشەکەوت کراوە لە لایەن حکومەتی هەرێمی کوردستانەوە، ئەوا ئەو جیاوازیانەیان بۆ خەرج دەکرێتەوە، بەپێی ڕێنمایمان ژمارە (28) ی ساڵی 2020".