ديجیتاڵ میدیای سپێده
له‌كۆبونه‌وه‌ی ئه‌مڕۆی ئه‌نجومه‌نی نوێنه‌رانی عێراقدا، خوێندنەوەی یەکەم بۆ پرۆژەیاسای بودجەی ساڵی 2021 لە پەرلەمانی عێراق کرا
دكتۆر جه‌مال كۆچه‌ر سه‌رۆكى فراكسیۆنى یه‌كگرتوو له په‌رله‌مانى عێراق به سپێده‌ى راگه‌یاند: بڕیاربوو ئێواره‌ى ئه‌مڕۆ كۆبوونه‌وه‌ى په‌رله‌مانى عێراقه له‌باره‌ى ره‌شنووسى بودجه‌ى 2021 به‌ڕێوه‌بچێت، به‌ڵام به‌هۆى ته‌واونه‌بوونى نیساب كۆبوونه‌وه‌كه بۆ ماوه‌یه‌ك دواخرا.
د.جه‌مال كوچه‌ر ئاشكراشیكرد: ئه‌مشه‌و خوێندنه‌وه‌ى یه‌كه‌م بۆ پرۆژه یاسایی بودجه‌ى ساڵى 2021 ئه‌نجامدرا، وتیشى: مه‌رج نیه په‌سه‌ند كردنى بودجه‌ى ساڵى 2021 عێراق بۆ ماوه‌ى یه‌ك مانگ بخایه‌نێت، وتیشى ره‌نگه‌ى كه‌متر له مانگێك پرۆژه یاساكه بخایه‌نێت، دكتۆر جه‌مال كۆچه‌ر بۆ سپێده وتیشى: به‌مزوانه خوێندنه‌وه‌ى دووه‌م بۆ پرۆژه یاسای بودجه‌ى ساڵى 2021ى عێراق ئه‌نجام دده‌درێت.
له‌باره‌ى دابه‌زینى نرخى دینارى به‌رامبه‌ر دۆلارى ئه‌مریكى دكتۆر جه‌مال كۆچه‌ر راشیگه‌یاند: په‌رله‌مانى عێراق ناتوانێت به‌هیچ شێوه‌یه‌ك ده‌ستكارى نرخى دیاریكراوى دینار به‌رامبه‌ر دۆلارى ئه‌مریكى بكات. وه هه‌روه‌ها خه‌ملاندنى نرخى نه‌وت به 42 دۆلار له پرۆژه یاساى بودجى 2021ى عێراق دیاری كرا
پرۆژەیاسای بودجەی فیدراڵی ساڵی 2021ـی عێراق، قەبارەکەی زیاتر لە 164 تریلیۆن دینارە و پێشبینی دەکرێت زیاتر لە 71 تریلیۆن دینار کورتهێنانی هەبێت، پێشنیازکراوە 47 تریلیۆن و 817 ملیار دیناری بە قەرزکردن پڕبکرێتەوە.
رۆژی 29ی (كانونی یه‌كه‌م/12)ی 2020 ، سه‌رۆكایه‌تی ئه‌نجومه‌نی نوێنه‌رانی عێراق، گه‌یشتنی پڕۆژه یاسای بودجه‌ی له‌لایه‌ن حكومه‌ته‌وه راگه‌یاند
