دیجیتاڵ میدیاى سپێده
ئه‌مڕۆ شه‌ممه (14-3-2020) سه‌رچاوه‌یه‌كى ئه‌منى ئاشكرایكرد ، كه‌مپى سه‌ربازى تاجى به موشه‌كى كاتیۆشا كراوه‌ته ئامانج .
ئه‌و سه‌رچاوه ئه‌منییه به ده‌زگاكانى راگه‌یاندنى عێراقى رایگه‌یاندووه ، " ئه‌مڕۆ شه‌ممه موشه‌كێكى كاتیۆشا ئاراسته‌ى سه‌ربازگه‌ى تاجى كراوه " ، به بێ ئه‌وه‌ى باس له زیانه‌كانى ئه‌و بۆردمانه بكات " .
جێگه‌ى باسه له رۆژى چوار شه‌ممه‌ى رابردوو شانه‌ى راگه‌یاندنى ئه‌منى رایگه‌یاند ، ده‌یان موشه‌كى كاتیۆشا ئاراسته‌ى سه‌ربازگه‌ى تاجى له باكورى به‌غداد كران ، له كاتێكدا ده‌زگاكانى راگه‌یاندن بڵاویانكرده‌وه ، له‌م بۆردومانه‌دا دوو سه‌ربازى ئه‌مریكى و به‌ریتانى كوژراون .
داڕشتنه‌وه : هیوا قادر
