شەقامێکی گشتی سۆران داڕوخا.. هۆشدارى ده‌درێته‌ هاوڵاتیان

20/02/2020 - 18:35 بڵاوکراوەتەوە لە كوردستانی

سپێده‌ _ یونس حه‌مه‌د

دوای ئەو شەپۆلە بەفر و بارانەی کە ناوچەکەی گرتەوە وێڕای چەندین زیانی زۆر کە بەر هاوڵاتیان کەوت هاوکات شەقامی پشت قەسابان کە بە شەقامێکی سەرەکی ناو سەنتەری سۆران دادەنرێت داروخا بەهۆیەوە هاتو چۆکردن لەو ڕێگایەۆە ڕاگیراوە.

لەو بارەیەوە ئەندازیار شوان عوسمان لە سەرۆکایەتی شارەوانی سۆران لە لێدوانێکی تایبەتدا بۆ دیجتاڵ میدیایی سپێدە ئەوەی خستەڕوو: ئەوان پێش داروخانی شەقامەکە دوو جار سەرووی خۆیان ئاگادارکردووەتەوە بەلام بەدەمیانەوە نەهاتوونە و شەقامەکە بەدرێژایی 70مەتر داروخا و بەو هۆیەشەوە زیانی زۆر بەر شەقامەکە کەوتووە.

ئاماژه‌ى به‌وه‌شكرد: ئەگەر زوو چارەسەری نەکرێت ئەگرێت داروخانی زیاتری شەقامەکە لە ئارادایە هەروەها هۆشداریشی دایە هاوڵاتیان کە بەو شەقامە هاتوچۆ نەکەن .

شایانی باسە شەقامەکە نزیکەی یەک کیلۆمەتر دەبێت و بەهۆی بەفر و باران بارینەوە نزیکەی 70مەتری داروخا و هاتوچۆکردن لە سایدێکی ئەو شەقامە بەو هۆیەوە وەستاوە

ئەلبوومی وێنەکان


View the embedded image gallery online at:
http://www.speda.net/index.php/ku/news/50889#sigProId02334de176