باڵاپۆشەكان بریندار مەکەن

16/02/2020 - 17:42 بڵاوکراوەتەوە لە وتار

زانا عەبدولڕەحمان

گەلی ئێمە هەر لەبەردەم مەترسی حكومرانی خراپ نین، بەڵكو مەترسی راستەقینە ئەوانەن كە بە درۆ و ناوەرۆكی بەتاڵ نمایندەی رۆشبیران و ئازادیخوازان ئەكەن.
هەموو كوچە و كۆڵاكانی شار پربووە،لە نێرگەلەخانە و باڕ و تیاترۆ لەسەدا پەنجا كچ و كوری باشوری كوردستان موعتادی نێرگەلە بوون.
وا خەریكە مەسەلەی تلیاك ئەبێتە هەرەشەی جدی كەس دەنگی لێوە نایەت.
ئێستا هاتوون پەلامار كۆمەڵێك كیژی باڵاپۆشی جوانی كورد ئەدەن پێیان ئەلێن ئەوان مەترسین.
ئەوان بە ئازادی ئەیانەوێت مومارەسەی بیروباوەڕی خۆیان بكەن بە سەرپۆشەكانیانەوە كاربكەن و بگەرێن.
باڵاپۆش وسەرپۆش بەسەرەكان هەرگیز توانج لە ئێوە نادەن،كە جەستەتان رووتكردوە ..
ئیتر ئێوە كێشەتان چیە ؟
ئەگەر نوزەیەك مابێت بۆ ئایندەی پەروەردەی نەوەی داهاتوومان ئەو بالاپۆشانەن،قابیلە ئێوە كە لە ئێوارە تا نیوەی شەو دەستێكتان بە سۆندەی نێرگەلەوە دەستەكەی ترتان بە مۆبایلەكانتانەوەیە،چیمان بۆ پەروەردەئەكەن
بۆیە لێیان گەرێن ئەوان بەشە گەورە جوانەكەی كۆمەڵگای ئێمەن،هاورێیان بن و توانجیان لێ مەدەن،لێیان فێربن لێیان مەترسن.كۆمەڵگە بەو مۆزایكەوە جوانە،كارێك مەكەن ئەوانیش سەنگەرتان لێبگرن ،موسڵمانی كورد جوانن،سەنگینن،با دڵیان لێتان نەشكێت و نەڕەنجێت،
چاوی یەك بەیەكیان ماچ ئەكەم ئەوان راستگۆن لەگەڵ بیروباوەری خۆیان لەهەر كوێ بیانبینم دەستم بەسنگمەوە ئەگەرم بۆیان.