لە ماوەی سێ مانگی یەكەمی ئەمساڵ، 20 هەزار حاڵەتی جیابوونەوە لە عێراق تۆماركراوە، كە بەشی زۆری بۆ خراپی بارودۆخی ئابووری و كۆمەڵایەتی دەگەڕێندرێتەوە.

سەرۆكی ناوەندی ستراتیژی بۆ مافەكانی مرۆڤ ڕایگەیاند: لە ماوەی 3 مانگی یەكەمی ئەمساڵ 20 هەزار حاڵەتی جیابوونەوە لە پارێزگاكانی عێراق تۆماركراون، هەمان سەرچاوە ئاماژەی بۆ ئەوەش كردوە، تەنها لە ماوەی مانگی ڕابردوو، 6 هەزارو 222 حاڵەتی جیابوونەوە لە سەرجەم پارێزگاكان تۆماركراون، كە ئەمەش یەكسانە بە 8 حاڵەتی جیابوونەوە بۆ هەر كاتژمێرێك.

هۆكارەكانی بەرزبوونەوەی ئامارەكانی جیابوونەوە لە عێراق، بە مەترسی بۆ خراپی بارودۆخی ئابووری و كۆمەڵایەتی تاك و خێزانەكان دەگەڕێندرێتەوە.

بە پێی ئامارەكانی ئەنجوومەنی باڵای دادوەری، لە ساڵی 2023 زیاتر لە 85 هەزار هاوسەر لە عێراق جیابوونەتەوە، واتە رۆژانە نزیكەی 200 خێزان هەڵوەشاوەتەوە.