ڕووداوێکی ھاتوچۆ لە ویلایەتی ھێلمەند باشووری ئەفغانستان گیانلەدەستدانی 12 کەسی لێکەوتەوە.
میدیاکانی ئەفغانستان بڵاویان کردەوە کە لەسەر ڕێگای ناوچەی گرێشک سەربە ویلایەتی ھێلمەند پاسێکی نەفەرھەڵگر لەگەڵ ماتۆڕسکیلێک و بارھەڵگرێکی سووتەمەنی بەریەککەوتوون.
ڕاشیانگەیاندووە کە بەھۆی ڕووداوەکەوە، پاسە نەفەرھەڵگرەکە گڕی گرتووە.
باسیان لەوەش کردووە کە لە ئاکامی ڕووداوەکەدا، 12 کەس گیانیان لەدەستداوە و 11ی دیکەش برینداربوون.
