دیجیتال میدیا سپێدە:
جەبار یاوەر ئەمیندارێ بەرێ وەزارەتا پێشمەرگە راگەیاند، حكومەتا عێراقێ گومان هەیە ژ دامودەزگەهێن ئەمنی و سەربازییێن هەرێما كوردستانێ و بەغدا دبێژیت خەلكێ ئیرانی و سوری و توركی لسەر حسابا پێشمەرگە و هێزێن ئەمنیێن هەرێمێ موچەیی وەردگرن.
جەبار یاوەر د چاڤپێكەفتەكێ دا ب دەنگێ ئەمریكا راگەهاندیە : هەرێمێ حەفتیا بووری كودێ دامودەزگەهێن ئەمنی بۆ بەغدا هنارتیە لێ هێشتا مووچە نەهنارتیە ، عیراق دخازیت برێیا پەنجەمورێ مووچەیی بدەت وپاشان پەنجەموران دگەل وان پەنجەموران هەڤبەر بكەت كو ل دامودەزگەهێن عیراقی وەكە وەكە رەگەزنامێ هاتینەتوماركرن.
دەربارێ موچێ هێزێن ئەمنی ژێدەری ل وەزارەتا دارییا هەرێمێ ب دەنگێ ئەمریكا راگەهاندیە: حكومەتێ عیراقێ داخازا ناڤێ كارمەندێن دەزگەهێن ئەمنی كریە و هەرێمێ ژی رەتكریە وەكە چارەسەریەكا ناڤەندی سەروك وەزیرێن عیراقێ رازی بویە لڤێ قوناغێ دا حكومەتا هەرێمێ كود و پەنجەمورا هێزێن ئەمنی بهنێریت ، ژێدەری ئاماژە بڤێ ژی كریە: لسەر بنەمایێ وێ رێكەفتنا وەزارەتا دارایی روژا چارشەمبیا بوری كودێ بایومەتری یا جڤاتا ئاسایشا هەرێمێ و دەزگەهێن سەربازیی بو وەزارەتا دارایی یا عیراقێ هنارتیە ، وی كودی پلە و موچە وباوەرنامە و هەمی زانیاریەك تێدایە ژبلی ناڤی.
